ਨਾਲਾਇਕ ਪੁੱਤ

 ਹਸਪਤਾਲ ਵਿੱਚ ਦਾਖਲ ਆਪਣੇ ਇਕ ਪੁਰਾਣੇ ਮਿੱਤਰ ਨੂੰ ਮਿਲਣ ਗਿਆ। ਉਸ ਨੂੰ ਮਿਲ ਕੇ ਅਜੇ ਉਸ ਦੇ ਕਮਰੇ ਵਿੱਚੋ ਬਾਹਰ ਨਿਕਲਿਆ ਹੀ ਸੀ ਕਿ ਇਕ ਸਿਧਰਾ ਜੇਹਾ ਆਦਮੀ ਡਾਕਟਰ ਨਾਲ ਕੋਈ ਗੱਲ ਕਰ ਰਿਹਾ ਸੀ।

ਪਰ ਡਾਕਟਰ ਉਸ ਤੋਂ ਕਾਫੀ ਨਾਰਾਜ਼ ਲੱਗ ਰਿਹਾ ਸੀ। ਡਾਕਟਰ ਉਸ ਨੂੰ ਬੜੇ ਜ਼ੋਰ ਤੇ ਗੁੱਸੇ ਨਾਲ ਕਹਿ ਰਿਹਾ ਸੀ ਤੇਰਾ ਬਾਪੂ ਹੁਣ ਠੀਕ ਆ ਇਹਨੂੰ ਘਰ ਲੈ ਜਾਵੀਂ। ਪਰ ਓ ਕਿਸੇ ਗੱਲੋਂ ਇਸ ਲਈ ਤਿਆਰ ਨਹੀਂ ਸੀ। ਪੂਰਾ ਮਾਮਲਾ ਜਾਨਣ ਲਈ ਮੈਂ ਡਾਕਟਰ ਸਾਬ ਕੋਲ ਗਿਆ ਤੇ ਓਨਾ ਤੋਂ ਇਸ ਵਾਰੇ ਪੁੱਛਿਆ ਤਾਂ ਓਹਨਾ ਕਿਹਾ ਕਿ ਇਹਦੇ ਬਾਪੂ ਨੂੰ ਪੁਛੋ ਮੇਰੇ ਤੋਂ ਨਿ ਇਸ ਪਾਗਲ ਨਾਲ ਗੱਲ ਹੁੰਦੀ। 

ਡਾਕਟਰ ਦੇ ਜਾਣ ਤੋਂ ਬਾਅਦ ਮੈਂ ਸਿੱਧਾ ਅੰਦਰ ਪਏ ਬਾਪੂ ਜੀ ਦੇ ਕੋਲ ਗਿਆ ਤੇ ਉਹਨਾਂ ਤੋਂ ਜਦੋ ਇਸ ਵਾਰੇ ਪੁੱਛਿਆ ਤਾ ਅਗੋ ਗੁੱਸੇ ਨਾਲ ਭਰੇ ਬਾਪੂ ਨੇ ਕਿਹਾ..ਕਿ ਦੱਸਾਂ ਸ਼ੇਰਾ ਰਾਤ ਇਕ ਦਮ ਪਤਾ ਨਹੀ ਕਿ ਹੋਇਆ ਰੋਟੀ ਨਾ ਖਾਦੀ ਜਾਵੇ ਫਿਰ ਇਹ ਮੈਨੂੰ ਇੱਥੇ ਲੈ ਆਇਆ।

ਰਾਤ ਦਾ ਡਾਕਟਰਾਂ ਦਾ ਸਿਰ ਖਾਈ ਜਾਂਦਾ ਇਕ ਮਿੰਟ ਨਿ ਟਿਕ ਕੇ ਬੈਠਿਆਂ। ਬਾਪੂ ਜੀ ਕਿਵੇਂ ਆ..?ਕਿ ਹੋਇਆ ਸੀ..? ਇਹ ਪੁੱਛ ਪੁੱਛ ਕੇ ਉਹਨਾਂ ਦਾ ਵੀ ਸਿਰ ਖਾ ਗਿਆ। ਘਰਵਾਲੀ ਨੂੰ ਕਿਹਾ ...ਹੁਣ ਉਹ ਆਉਂਦੀ ਐ ਇਹਨੂੰ ਲੈਣ ਵਾਸਤੇ।

'ਇਕ ਹੀ ਪੁੱਤ ਆ ਸੋਡੇ.? ਅਗੋ ਹੱਸਦੇ ਨੇ ਕਿਹਾ..ਓ ਨਹੀਂ ਸ਼ੇਰਾ ਰੱਬ ਦੀ ਕਿਰਪਾ ਨਾਲ ਪੁੱਤ ਤਾ ਤਿੰਨ ਨੇ ਓ ਦੋਵੇ ਚੰਗੇ ਪੜੇ ਲਿਖੇ ਤੇ ਬਾਹਰ ਸੈੱਟ ਨੇ ਬਸ ਪਤਾ ਨਹੀਂ ਇਹ ਨਾਲਾਇਕ ਕਿਵੇਂ ਪੈਦਾ ਹੋ ਗਿਆ। 

ਨਾ ਪਡ਼ ਸਕਿਆ ਤੇ ਨਾ ਹੀ ਲਿਖ ਸਕਿਆ। ਹੁਣ ਰਾਤ ਦਾ ਇੱਥੋਂ ਇਕ ਮਿੰਟ ਲਈ ਨਿ ਕਿੱਧਰੇ ਗਿਆ ਜ਼ੋਰ ਲਾ ਲਿਆ ਪਰ ਇਹ ਕੰਜਰ ਕਿੱਧਰੇ ਨਿ ਗਿਆ। ਹੁਣ ਇਹਦੀ ਮਾਂ ਆਉਂਦੀ ਆ ਏਹਨੂੰ ਲੈਣ ਵਾਸਤੇ। ਰਾਤ ਦਾ ਕੁਝ ਨਿ ਖਾਦਾ ਪੀਤਾ ਬੱਸ ਏਥੀ ਬੈਠਾ।

ਸੋਡੇ ਦੂਸਰੇ ਪੁੱਤ ਨੀ ਪਤਾ ਲੈਣ ਆਏ ਸੋਡਾ..? ਮੇਰੀ ਗਲ ਸੁਣ ਅਗੋ ਬੋਲੇ..ਕਿਥੇ ਸ਼ੇਰਾ ਉਹਨਾ ਵਿਚਾਰਿਆ ਕੋਲ ਏਨਾ ਸਮਾ ਕਿਥੇ ਉਹ ਏਦੇ ਵਾਂਗੂੰ ਵਿਹਲੇ ਥੋੜੀ ਨੇ। ਪਤਾ ਨੀ ਕੀ ਪਾਪ ਕੀਤਾ ਜੋ ਇਹ ਨਾਲਾਇਕ ਸਾਡੇ ਪੱਲੇ ਪੈ ਗਿਆ।

ਥੋੜੀ ਦੇਰ ਬਾਅਦ ਉਹ ਫਿਰ ਆਇਆ ਤੇ ਬੋਲਿਆ...ਬਾਪੂ ਜੀ ਕਿਵੇ ਓ ਜੇ ਕਿਸੇ ਚੀਜ ਦੀ ਜਰੂਰਤ ਹੋਈ ਤਾਂ ਦਸ ਦੇਣਾ ਮੈ ਬਾਹਰ ਹੀ ਬੈਠਾ। ਪੁਤ ਦੀ ਗਲ ਸੁਣ ਪਿਉ ਦਾ ਗੁੱਸਾ ਸਤਵੇ ਆਸਮਾਨ ਤੇ ਪਹੁੰਚ ਗਿਆ ਗੁਸੇ ਭਰੇ ਲਹਿਜੇ ਵਿੱਚ ਬੋਲਿਆ.. ਤੂੰ ਜਾਨਾ ਕੇ ਨਾ ਏਥੋ..?

ਬਾਪੂ ਦੀ ਗਲ ਸੁਣ ਮੈ ਤਾ ਉਸ ਕਮਰੇ ਵਿੱਚੋ ਬਾਹਰ ਨਿਕਲ ਆਇਆ ਪਰ ਉਹ ਅਜੇ ਵੀ ਆਪਣੇ ਬਾਪੂ ਦੇ ਬੈਡ ਕੋਲ ਖੜਾ ਸੀ ਬਾਹਰ-2 ਕਹਿਣ ਦੇ ਬਾਵਜੂਦ ਵੀ ਉਹ ਆਪਣੇ ਬਾਪੂ ਤੋ ਪਰਾਂ ਨਹੀ ਹੋ ਰਿਹਾ ਸੀ।

ਮੈ ਜਾਦਾ ਹੋਇਆ ਵੀ ਮੁੜ-2 ਕੇ ਉਸ ਨਾਲਾਇਕ ਪੁੱਤ ਵਲ ਦੇਖ ਰਿਹਾ ਸੀ ਜੋ ਆਪਣੇ ਬਾਪ ਦੇ ਕਰੀਬ ਰਹਿਣਾ ਚਾਹੁੰਦਾ ਸੀ। ਉਸ ਵਲ ਦੇਖ ਦਿਲ ਵਿੱਚ ਖਿਆਲ ਆਇਆ...ਕੀ ਹੇ ਰੱਬਾ ਏਦਾ ਦਾ ਨਾਲਾਇਕ ਪੁੱਤ ਹਰ ਮਾ-ਬਾਪ ਨੂੰ ਜਰੂਰ ਦੇਵੀ।

ਲੇਹ-ਲਦਾਖ਼

 #ਸਫ਼ਰਨਾਮਾ……. ਲੇਹ-ਲਦਾਖ਼

ਅੱਜ ਆਪਣੇ ਲੇਹ ਲਦਾਖ ਦੇ ਟੂਰ ਦੇ ਚੌਥੇ ਦਿਨ ਕਾਰਗਿਲ ਤੋਂ ਅਗਲੇ ਸਫਰ ਵੱਲ ਨੂੰ ਤਿਆਰੀ ਸੀ। ਸਾਰਾ ਸਮਾਨ ਪੈਕ ਕਰਕੇ ਮੋਟਰਸਾਇਕਲਾਂ ਤੇ ਬੰਨ ਲਿਆ ਸੀ ਅਤੇ ਤਕਰੀਬਨ 8:40 ਤੇ ਅਸੀ ਆਪਣੇ ਅਗਲੇ ਸਫਰ MULBEK ਲਈ ਚਾਲੇ ਪਾ ਦਿੱਤੇ। MULBEK ਇੱਕ ਮੋਨਾਸਟਰੀ ਹੈ ਜੋ ਅਸੀ ਵੇਖਣੀ ਸੀ। ਰਸਤੇ ਦੇ ਪਿੰਡਾਂ ਦੀਆਂ ਸੋਹਣੀਆਂ ਲੋਕੇਸਣਾਂ ਤੇ ਰੁਕਕੇ ਫੋਟੋਗਰਾਫੀ ਜਰੂਰ ਕਰਦੇ ਸੀ। ਬੱਚੇ ਰੱਬ ਦਾ ਰੂਪ ਹੁੰਦੇ ਹਨ ਅਤੇ ਸਭ ਦਾ ਮਨ ਮੋਹਦੇ ਹਨ ..ਸਾਨੂੰ ਵੀ MULBEK ਤੋਂ ਥੋੜਾ ਪਹਿਲਾਂ ਛੋਟੇ ਛੋਟੇ ਸਕੂਲੀ ਬੱਚਿਆਂ ਦੇ ਮਾਸੂਮ ਚਿਹਰਿਆਂ ਮੱਲੋ-ਮੱਲੀ ਰੋਕ ਲਿਆ ਅਤੇ ਬੱਚਿਆ ਨਾਲ ਤੋਤਲੀਆਂ ਗੱਲਾਂ ਕਰਕੇ ਸਾਡਾ ਸਾਰਾ ਥਕੇਵਾਂ ਦੂਰ ਹੋ ਗਿਆ। ਯਾਦਗਰੀ ਫੋਟੋਆਂ ਕਰਨ ਉਪਰੰਤ ਅਸੀ ਅੱਗੇ ਚੱਲ ਪਏ। ਤਕਰੀਬਨ 9:30 ਵਜੇ ਅਸੀ #mulbek_Monastery ਦੇ ਕੋਲ ਸੀ। ਸਾਨੂੰ MULBEK Monastery ਕਿਸੇ ਫਿਲਮੀ ਸੀਨ ਵਾਗ ਜਾਪ ਰਹੀ ਸੀ। ਇਹੋ ਜਿਹੇ ਸੀਨ ਛੋਟੇ ਹੁੰਦਿਆ ਫਿਲਮਾਂ ਵਿੱਚ ਹੀ ਵੇਖੇ ਸੀ। ਇੱਕ ਲੋਕਲ ਬਸਿੰਦੇ ਨੇ ਮੋਨਾਸਟਰੀ ਬਾਰੇ ਕਾਫੀ ਜਾਣਕਾਰੀ ਦਿੱਤੀ। ਉਸਨੇ ਦੱਸਿਆ ਕਿ ਇਸ ਮੋਨਾਸਟਰੀ ਦਾ ਨਾਂ ਚੰਬਾ ਮੋਨਾਸਟਰੀ ਹੈ ਅਤੇ ਉਪਰ ਪਹਾੜਾਂ ਵਿੱਚ ਇੱਕ ਹੋਰ ਮੋਨਾਸਟਰੀ ਹੈ ਜਿੱਥੇ ਆਮ ਲੋਕਾਂ ਦਾ ਜਾਣਾ ਥੋੜਾ ਔਖਾ ਹੈ ਕਿਉਕਿ ਉੱਥੇ ਮੋਨ ਬੈਠੇ ਹੁੰਦੇ ਹਨ ਭਾਵ ਉੱਥੇ ਬੁਧਇਸ਼ਟ ਸਮਾਧੀ ਵਿੱਚ ਲੀਨ  ਬੈਠੇ ਹੁੰਦੇ ਹਨ।  ਕਾਫੀ ਸਮਾਂ ਚੰਬਾ ਮੋਨਾਸਟਰੀ ਤੇ ਗੁਜਾਰਨ ਤੋਂ ਬਾਅਦ ਅਸੀ ਅਗਲੇ ਸਫਰ ਲਈ ਚੱਲ ਪਏ। ਰਸਤੇ ਵਿੱਚ ਇੱਕ ਸੋਹਣਾ ਪਿੰਡ ਮਿਲਿਆ । ਇੱਕ ਗੱਲ ਸਾਫ ਤੇ ਸਪੱਸ਼ਟ ਹੈ ਕਿ ਜਿੰਨਾ ਕੁ ਕੋਈ ਗਰੀਬ ਹੁੰਦਾ ਹੈ ਉਹਨਾਂ ਹੀ ਵੱਧ ਇਮਾਨਦਾਰ ਹੁੰਦਾ ਹੈ। ਕੱਚੇ ਘਰਾਂ ਵਾਲੇ ਸੁੰਦਰ ਪਿੰਡ....ਸਾਦਾ ਰਹਿਣ ਸਹਿਣ...ਆਧੁਨਿਕ ਸਹੂਲਤਾਂ ਤੋਂ ਸੱਖਣੇ ਇਹਨਾਂ ਪਿੰਡਾਂ ਵਿੱਚ ਰਹਿਣ ਵਾਲੇ ਲੋਕ ਵੀ ਬਹੁਤ ਰੱਜੀ-ਪੁੱਜੀ ਰੂਹ ਦੇ ਮਾਲਕ ਹਨ। ਅਜਿਹੇ ਲੋਕਾਂ ਨੂੰ ਮਿਲਕੇ ਸਨ ਖੁਸ਼ ਹੋ ਜਾਦਾ ਹੈ। ਅੱਗੇ ਅਸੀ Namika La ਰੁਕੇ।

ਨਮੀਕਾ ਲਾ ਪਾਸ, ਜਾਂ ਨਾਮਿਕਾ ਪਾਸ, ਸ਼੍ਰੀਨਗਰ-ਲੇਹ ਹਾਈਵੇਅ ਤੇ 3,700 ਮੀਟਰ ਅਤੇ 12198 ਫੁੱਟ ਦੀ ਉਚਾਈ 'ਤੇ ਸਥਿਤ ਇੱਕ ਉੱਚਾ ਪਹਾੜੀ ਪਾਸ ਹੈ। ਇਹ ਲੱਦਾਖ ਦੇ ਪਹਾੜੀ ਲਾਂਘਿਆਂ ਦਾ  ਪ੍ਰਸਿੱਧ ਪਾਸ ਹੈ ਕਿਉਂਕਿ ਇਹ ਲੇਹ ਅਤੇ ਕਾਰਗਿਲ ਦੇ ਵਿਚਕਾਰ ਸਭ ਤੋਂ ਉੱਚੇ ਰਾਹਾਂ ਵਿੱਚੋਂ ਇੱਕ ਹੈ। ਇੱਥੋਂ ਦਾ ਮੁੱਖ ਆਕਰਸ਼ਣ ਭੂਰੇ ਰੰਗ ਦੇ ਪਹਾੜ ਹਨ, ਰੁਕਣ ਅਤੇ ਕੁਝ ਫੋਟੋਗ੍ਰਾਫੀ ਦਾ ਆਨੰਦ ਲੈਣ ਲਈ ਇਹ ਇੱਕ ਚੰਗੀ ਥਾਂ ਹੈ। ਅਸੀਂ ਵੀ ਇੱਥੇ ਰੱਜਕੇ ਫੋਟੋਗਰਾਫੀ ਕੀਤੀ। ਇੱਥੇ ਆਏ ਹੋਰ ਸੈਲਾਨੀਆਂ ਨੇ ਫੋਟੋਆਂ ਕਰਨ ਲਈ ਮੇਰਾ ਮੋਟਰਸਾਇਕਲ ਆ ਘੇਰਿਆ । ਇੱਕ ਘੁਮੱਕੜ ਦਾ ਉਸਦੇ ਸਮਾਨ ਨਾਲ ਲੱਦਿਆ ਮੋਟਰ-ਸਾਇਕਲ ਵੀ ਇੱਕ ਅਜੂਬਾ ਹੁੰਦਾ ਹੈ ਅਤੇ ਇਹ ਘੁੰਮਣ ਫਿਰਨ ਹਰ ਸ਼ੁਕੀਨ ਨੂੰ ਸੋਹਣਾ ਲੱਗਦਾ ਹੈ...ਇਸ ਲਈ ਹਰ ਇੱਕ ਸੈਲਾਨੀ ਨੂੰ, ਰਾਇਡਰਾਂ ਦੇ ਮੋਟਰਸਾਇਕਲ ਫੋਟੋ ਖਿਚਵਾਉਣ ਲਈ ਖਿੱਚ ਪਾਉਦੇ ਹਨ। ਇੱਥੇ ਹੋਰ ਕਈ ਬਾਈਕਰ ਗਰੁੱਪਾਂ ਨਾਲ ਫੋਟੋਆਂ ਕਰਵਾ ਕੇ ਅਸੀ ਅੱਗੇ ਨੂੰ ਚੱਲ ਪਏ। ਰਸਤੇ ਵਿੱਚ ਰੇਤ ਦੇ ਪਹਾੜਾਂ ਦੀਆਂ ਬਹੁਤ ਹੀ ਸੁੰਦਰ ਆਕ੍ਰਿਤੀਆਂ ਮਿਲੀਆਂ ਜੋ ਕਿ ਕਿਸੇ ਖੰਡਰ ਕਿਲੇ ਵਾਗ ਜਾਪ ਰਹੀਆਂ ਮਨ ਮੋਹਦੀਆਂ ਸਨ।

ਸਾਡਾ ਅਗਲਾ ਪਾਸ ਫੋਟੂ ਲਾ ਪਾਸ ਸੀ। ਇਹ ਭਾਰਤ ਵਿੱਚ ਹਿਮਾਲਿਆ ਦੀ ਜ਼ਾਂਸਕਰ ਰੇਂਜ ਵਿੱਚ ਸ਼੍ਰੀਨਗਰ-ਲੇਹ ਹਾਈਵੇਅ ਉੱਤੇ ਇੱਕ ਪਹਾੜੀ ਦਰਾ ਹੈ । ਇਸਦੀ ਉਚਾਈ 4,108 ਮੀਟਰ (13,478 ਫੁੱਟ) ਦੀ ਉਚਾਈ 'ਤੇ, ਇਹ ਮਸ਼ਹੂਰ ਜ਼ੋਜੀ ਲਾ ਨੂੰ ਪਛਾੜ ਕੇ, ਹਾਈਵੇਅ 'ਤੇ ਸਭ ਤੋਂ ਉੱਚਾ ਬਿੰਦੂ ਹੈ। ਫੋਟੂ ਲਾ ਲੇਹ ਅਤੇ ਕਾਰਗਿਲ ਦੇ ਵਿਚਕਾਰ ਦੋ ਉੱਚੇ ਪਹਾੜੀਆਂ ਵਿੱਚੋਂ ਇੱਕ ਹੈ, ਦੂਜਾ ਨਾਮਿਕਾ ਲਾ ਹੈ। ਫੋਟੂ ਲਾ ਤੋਂ ਬਾਅਦ ਲਾਮਾਯੁਰੂ ਵੱਲ ਉਤਰਨਾ ਸ਼ੁਰੂ ਹੋ ਜਾਂਦਾ ਹੈ। ਫੋਟੂ ਲਾ ਪਾਸ ਵੇਖ ਅਸੀ ਵੀ ਲਾਮਾਯੁਰੂ ਵੱਲ ਉਤਰਨਾ ਸੁਰੂ ਕੀਤਾ। ਟਾਇਮ ਵੇਖਿਆ ਤਾਂ ਦੁਪਹਿਰ ਦੇ ਦੋ ਵੱਜੇ ਸੀ ਤੇ ਸਾਡੀ ਭੁੱਖ ਵੀ ਚਮਕ ਚੁੱਕੀ ਸੀ। ਅਸੀ ਲਾਮਾਯੁਰੂ ਰੈਸਟੋਰੈਂਟ ਤੇ ਖਾਣਾ ਲਈ ਰੁਕ ਗਏ। ਇੱਥੇ ਹੀ ਸਾਨੂੰ ਸਵਿੱਟਜਰਲੈਂਡ ਦਾ ਗੱਭਰੂ ਗੋਰਾ ਮਿਲਿਆ ਜੋ ਕਿ ਬਾਇਕ ਰੈਂਟ ਤੇ ਲੈ ਕਿ ਲੇਹ ਲਦਾਖ ਘੁੰਮ ਰਿਹਾ ਸੀ। ਬਹੁਤ ਹੀ ਕਰੇਜੀ ਤੇ ਮਿਲਣਸਾਰ ਸੁਭਾ ਦਾ ਮਾਲਕ ਇਹ ਸਵਿੱਟਜਰਲੈਂਡ ਦਾ ਗੱਭਰੂ ਮਨਾਲੀ ਤੋਂ ਬਾਇਆ ਲੇਹ ਸ੍ਰੀਨਗਰ ਤੇ ਵਾਪਸ ਫਿਰ ਸ੍ਰੀਨਗਰ ਤੋਂ ਲੇਹ- ਮਨਾਲੀ ਜਾ ਰਿਹਾ ਸੀ। ਭਾਵੇ ਕਿ ਇਸਦੀ ਅੰਗਰੇਜੀ ਸਾਡੇ ਸਮਝ ਨਹੀਂ ਆਈ ਪਰ ਜਿੱਥੇ ਭਾਵਨਾਵਾਂ ਜਾਂ ਕਹਿ ਲਓ ਸ਼ੌਕ ਜੁੜੇ ਹੋਣ ਉੱਥੇ ਭਾਸ਼ਾ ਕੋਈ ਦਿੱਕਤ ਨਹੀਂ ਹੁੰਦੀ। ਮੈਂ ਟੁੱਟੀ ਭੱਜੀ ਅੰਗਰੇਜੀ ਬੋਲਕੇ ਅਤੇ ਪੰਜਾਬੀਆਂ ਦੀ ਮਸਹੂਰ ਬੋਲੀ ਇਸ਼ਾਰਿਆ ਨਾਲ ਉਸ ਨਾਲ ਗੱਲਾਂ ਕਰਦਾ ਰਿਹਾ ਅਤੇ ਮੇਰੇ ਨਾਲ ਦੇ ਸਾਥੀ ਮੇਰੀ ਅੰਗਰੇਜੀ ਸੁਣ ਕੇ ਹੱਸਦੇ ਰਹੇ। ਕਾਫੀ ਸਮਾਂ ਉਸ ਨਾਲ ਹਾਸੀਆਂ ਖੇਡੀਆਂ ਕਰਕੇ ਅਸੀ ਅੱਗੇ ਨੂੰ ਚੱਲ ਪਏ। ਅੱਗੇ ਸਾਡੇ ਫੁੱਲ ਕੋਵਿਡ ਵੈਕਸੀਨ ਦੇ ਸਰਟੀਫਿਕੇਟ ਚੈਕ ਹੋ ਰਹੇ ਸਨ। ਲੇਹ ਲਦਾਖ ਦੇ ਟੂਰ ਤੇ ਜਾਣ ਵਾਲਿਆ ਲਈ ਧਿਆਨ ਦੇਣ ਯੋਗ ਗੱਲ ਹੈ ਕਿ ਉਹ ਆਪਣੇ ਕੋਵਿਡ ਵੈਕਸੀਨ ਸਰਟੀਫਿਕੇਟ ਦੀ ਹਾਰਡ ਕਾਪੀ ਜਰੂਰ ਨਾਲ ਲੈ ਕਿ ਜਾਣ ਜਾਂ ਫਿਰ ਆਪਣੇ ਮੋਬਾਇਲ ਵਿੱਚ ਸਕਰੀਨ ਸਾਟ ਹੋਵੇ ਕਿਉਕਿ ਇੰਟਰਨੈਂਟ ਦੀ ਸਮੱਸਿਆ ਹੋਣ ਕਾਰਣ ਕੋਵਿਡ ਵੈਕਸੀਨ ਸਰਟੀਫਿਕੇਟ ਮੌਕੇ ਤੇ ਡਾਉਨਲੋਡ ਨਹੀਂ ਹੁੰਦਾ। ਕੋਵਿਡ ਸਰਟੀਫਿਕੇਟ ਚੈੱਕ ਕਰਵਾਉਣ ਉਪਰੰਤ ਅਗਲਾ ਮੁੱਖ ਬਿੰਦੂ  #megnatichill Magnetic HILL ਤੇ ਜਾ ਪਹੁੰਚੇ । ਕਹਿੰਦੇ ਹਨ ਇਸ ਬਿੰਦੂ  Magnetic HILL ਤੇ ਇੱਕ ਨਿਸ਼ਾਨ ਲੱਗਿਆ ਹੋਇਆ ਹੈ ਜਿਸ ਉਪਰ ਆਪਣੀ ਕਾਰ ਖੜੀ ਕਰਨ ਤੇ ...ਕਾਰ ਆਪਣੇ ਪਹਾੜ ਦੀ ਚੜਾਈ ਵੱਲ ਤੁਰਨ ਲੱਗਦੀ ਹੈ। ਅਜਿਹਾ ਚੁਬਕੀਆ ਪਹਾੜੀ ਕਾਰਣ ਹੈ। 

            ਸਾਡਾ ਅਗਲਾ ਸਟਾਪ ਸਿੱਖਾਂ ਦੇ ਪ੍ਰਸਿੱਧ ਤੀਰਥ ਅਸਥਾਨ ਗੁਰਦਵਾਰਾ ਸ੍ਰੀ ਪੱਥਰ ਸਾਹਿਬ ਸੀ। ਇਤਿਹਾਸ ਅਨੁਸਾਰ ਜਦੋ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਆਪਣੀ ਉਦਾਸੀ ਦੌਰਾਨ ਇੱਥੇ ਪਹਾੜਾਂ ਥੱਲੇ ਡੇਰਾ ਲਾਇਆ ਤਾਂ ਪਹਾੜਾਂ ਦੇ ਉਪਰ ਬੈਠੇ ਕੌਡੇ ਰਾਖਸ਼ ਨੇ ਇੱਕ ਭਾਰੀ ਪੱਥਰ ਬਾਬਾ ਦੀ ਦੇ ਉਪਰ ਰੇੜ ਦਿੱਤਾ ਪਰ ਬਾਬਾ ਜੀ ਨੇ ਉਹ ਪੱਥਰ ਪੰਜਾ ਲਾ ਕੇ ਰੋਕ ਦਿੱਤਾ । ਪੰਜੇ ਦਾ ਨਿਸ਼ਾਨ ਹਾਲੇ ਉਸ ਪੱਥਰ ਤੇ ਮੌਜੂਦ ਹੈ ਅਤੇ ਪੱਥਰ ਗੁਰਦਵਾਰਾ ਸ੍ਰੀ ਪੱਥਰ ਸਾਹਿਬ ਵਿੱਚ ਸੰਸੋਭਿਤ ਹੈ। ਅਸੀ ਗੁਰਦਵਾਰਾ ਸਾਹਿਬ ਵਿੱਚ ਮੱਥਾ ਟੇਕਿਆ ਅਤੇ ਲੰਗਰ ਛਕਿਆ। ਖਾਸ ਗੱਲ ਇਹ ਹੈ ਕਿ ਇਹ ਗੁਰਦਵਾਰਾ ਭਾਰਤੀ ਫੌਜ ਦੇ ਹਵਾਲੇ ਹੈ ਅਤੇ ਸਰਧਾਲੂ ਇੱਥੇ ਰਾਤ ਨਹੀਂ ਰਹਿ ਸਕਦੇ। ਪਰ ਸਾਨੂੰ ਫੌਜੀ ਭਰਾਵਾਂ ਨੇ ਇੱਥੇ ਰਾਤ ਰਹਿਣ ਦੀ ਆਫਰ ਦਿੱਤੀ ਪਰ ਅਸੀਂ ਲੇਹ ਪਹੁੰਚਣਾ ਸੀ। ਗੁਰਦਵਾਰਾ ਸਾਹਿਬ ਵਿੱਚ ਇੱਕ ਚਮਤਕਾਰ ਹੋਰ ਹੋਇਆ ਕਿ ਮੇਰੇ ਨਾਲ ਗਏ ਸਾਥੀ ਪ੍ਰਦੀਪ ਮਾਨ ਦਾ ਹਮਸ਼ਕਲ ਇੱਥੇ ਮਿਲਿਆ... ਬਿਲਕੁਲ ਕਿਸੇ ਫਿਲਮੀ ਸੀਨ ਵਾਗ ਲੱਗ ਰਿਹਾ ਸੀ ਜਿਵੇਂ ਚਿਰਾਂ ਦੇ ਵਿਛੜੇ ਦੋ ਭਰਾ ਮੁੱਦਤਾਂ ਬਾਅਦ ਮਿਲੇ ਹੋਣ। 

            ਤਕਰੀਬਨ 7:15 ਤੇ ਅਸੀ ਗੁਰਦਵਾਰਾ ਸਾਹਿਬ ਤੋਂ ਅੱਗੇ ਲੇਹ ਵੱਲ ਨੂੰ ਚੱਲ ਪਏ ਅਤੇ ਸਾਮ 7:50 ਤੇ ਅਸੀਂ ਏਅਰਪੋਰਟ ਦੇ ਸਾਹਮਣੇ ਸਟੀਲ ਫੈਕਟਰੀ ਦੇ ਮਾਲਕ ਸ੍ਰੀ ਅਰਵਿੰਦ ਜੀ ਦੇ ਦਫਤਰ ਵਿੱਚ ਬੈਠੇ ਸੀ। ਅਰਵਿੰਦ ਜੀ ਬਠਿੰਡੇ ਦੀ ਪ੍ਰਸਿੱਧ ਬਾਇਕਰ ਜੋੜੀ Suraj Mani & Rajni Sharma  ਸ੍ਰੀ ਸੂਰਜ ਮਨੀ ਅਤੇ ਰਜ਼ਨੀ ਸਰਮਾਂ ਹੁਰਾਂ ਦੇ ਜਾਣਕਾਰ ਹਨ। ਅਰਵਿੰਦ ਜੀ ਨੇ ਸਾਡਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਅਤੇ ਉਹ ਸਾਨੂੰ ਆਪਣੇ ਘਰ ਲਿਜਾਣ ਲਈ ਜੋਰ ਪਾ ਰਹੇ ਸਨ ਪਰ ਅਸੀ ਕੈਪਿੰਗ ਕਰਨ ਦੇ ਚਾਹਵਾਨ ਸੀ। ਅਖੀਰ ਉਨਾਂ ਨੇ ਆਪਣੇ ਪਾਟਨਰ ਸ੍ਰੀ ਸੁਮਿਤ ਜੀ ਨਵੀਂ ਬਣ ਰਹੀ ਮਡ ਮਿੱਟੀ ਦੀ ਕੋਠੀ ਵਿੱਚ ਠਹਿਰਾਇਆ। ਕੋਠੀ ਵਿੱਚ ਲੱਕੜੀ ਦਾ ਕੰਮ ਚਲ ਰਿਹਾ ਸੀ ਅਤੇ ਅਸੀਂ ਇੱਕ ਕਮਰੇ ਵਿੱਚ ਆਪਣੇ ਗੱਦੇ ਲਗਾਕੇ ਸਾਮ ਦੇ ਖਾਣ ਲ

ਮੰਡੀ ਤੋ ਸ਼੍ਰੀ ਮਨੀਕਰਨ ਸਾਹਿਬ ਤੱਕ ਦੀ ਯਾਤਰਾ

ਸਫ਼ਰਨਾਮਾ 

ਮੰਡੀ ਤੋ ਸ਼੍ਰੀ ਮਨੀਕਰਨ ਸਾਹਿਬ ਤੱਕ ਦੀ ਯਾਤਰਾ

               ਰਾਤ ਮੰਡੀ ਹੋਟਲ ਵਿਖੇ ਰੁਕਣ ਤੋਂ ਬਾਅਦ ਅਗਲੀ ਸਵੇਰ ਅਸੀਂ ਮੰਡੀ ਸ਼ਹਿਰ ਤੋ ਮਨੀਕਰਨ ਸਾਹਿਬ ਤੱਕ ਦੀ ਯਾਤਰਾ ਆਰੰਭ ਕੀਤੀ। ਸਭ ਤੋ ਪਹਿਲਾ ਅਸੀਂ ਮੰਡੀ ਸਥਿਤ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਸਬੰਧਿਤ ਇਤਿਹਾਸਿਕ ਗੁਰਦਵਾਰਾ ਸਾਹਿਬ ਵਿਖੇ ਗੁਰੂ ਸਾਹਿਬ ਨਾਲ ਸਬੰਧਿਤ ਪੰਜ ਇਤਿਹਾਸਿਕ ਨਿਸ਼ਾਨੀਆਂ ਦੇ ਦਰਸ਼ਨ ਕਰਨ ਉਪਰੰਤ ਅਸੀਂ ਮਨੀਕਰਨ ਸਾਹਿਬ ਦੀ ਯਾਤਰਾ ਦੀ ਸ਼ੁਰੂਆਤ ਕੀਤੀ।

       ਮੰਡੀ ਤੋ ਮਨੀਕਰਨ ਸਾਹਿਬ ਤੱਕ ਸੜਕ ਬਹੁਤ ਵਧੀਆ ਹੈ ਜਿਆਦਾਤਰ ਸੜਕ 4 ਲੇਨ ਹੈ ਅਤੇ ਜਿਥੇ ਸੜਕ ਸਿੰਗਲ ਹੈ ਓਥੇ 4 ਲੇਨ ਸੜਕ ਦਾ ਕੰਮ ਚੱਲ ਰਿਹਾ ਹੈ, ਕਈ ਥਾਵਾਂ ਤੇ ਟਨਲ ਬਣ ਰਹੀ ਹੈ ਦੇਖ ਕੇ ਇੰਝ ਲੱਗ ਰਿਹਾ ਸੀ ਕਿ ਅਗਲੇ 4 ਜਾ 5 ਸਾਲਾਂ ਤੱਕ ਮੰਡੀ ਤੋ ਮਨਾਲ਼ੀ ਤੱਕ ਦੀ ਸੜਕ 4 ਲੇਨ ਹੋ ਜਾਵੇਗੀ ਜਿਸ ਨਾਲ ਗੱਡੀ ਚਲਾਉਣਾ ਹੋਰ ਵੀ ਸੌਖਾ ਹੋ ਜਾਵੇਗਾ।

         ਮੰਡੀ ਤੋ ਮਨਾਲ਼ੀ ਜਾਣ ਵਾਲੀ ਸੜਕ ਤੋ ਹੀ ਮਨੀਕਰਨ ਸਾਹਿਬ ਵੱਲ ਜਾਣ ਲਈ ਇੱਕ ਵੱਖਰੀ ਸੜਕ ਨਿਕਲਦੀ ਹੈ ਜੋ ਕੇ ਸਿੰਗਲ ਰੋਡ ਹੈ, ਰਸਤਾ ਥੋੜਾ ਤੰਗ ਹੈ ਪਰ ਸਾਨੂੰ ਕਾਰ ਚਲਾਉਣ ਵਿੱਚ ਕੋਈ ਪ੍ਰੇਸ਼ਾਨੀ ਨਹੀਂ ਆਈ ਅਸੀਂ ਬੜੀ ਆਸਾਨੀ ਨਾਲ ਡਰਾਈਵਿੰਗ ਕਰਦੇ ਹੋਏ ਆਸ ਪਾਸ ਦੇ ਸੁੰਦਰ ਨਜਾਰਿਆਂ ਨੂੰ ਦੇਖਦੇ ਹੋਏ ਅੱਗੇ ਵਧਦੇ ਰਹੇ।

           ਮਨੀਕਰਨ ਸਾਹਿਬ ਤੋ ਕੁਝ ਕਿਲੋਮੀਟਰ ਪਹਿਲਾ ਕਸੋਲ ਨਾਮ ਦਾ ਇਲਾਕਾ ਆਉਂਦਾ ਹੈ ਜਿਥੇ ਮੈਨੂੰ ਵਿਦੇਸ਼ੀ ਲੋਗ ਬਹੁਤ ਜਿਆਦਾ ਦਿਖਾਈ ਦਿੱਤੇ , ਓਥੇ ਬਹੁਤ ਸਾਰੇ ਹੋਟਲ ਬਣੇ ਹੋਏ ਸਨ ਅਤੇ ਸੀਨੀਕ ਵਿਊ ਵੀ ਬਹੁਤ ਸ਼ਾਨਦਾਰ ਸਨ। ਅਸੀਂ  ਅੱਗੇ ਵਧਦੇ ਹੋਏ ਮਨੀਕਰਨ ਸਾਹਿਬ ਪਹੁੰਚੇ ਜਿਥੇ ਅਸੀਂ ਆਪਣੀ ਕਾਰ ਪਾਰਕਿੰਗ ਵਿੱਚ ਲਈ।

       ਗੁਰਦਵਾਰਾ ਸਾਹਿਬ ਦੀ ਪਾਰਕਿੰਗ ਬਹੁਤ ਵੱਡੀ ਅਤੇ ਵਧੀਆ ਹੈ ਬੱਸ ਏਨੀ ਕੁ ਸਮੱਸਿਆ ਮੈ ਓਥੇ ਦੇਖੀ ਕੇ ਪਾਰਕਿੰਗ ਦੀ ਐਗਜਿਟ ਨੂੰ ਲੋਕ ਐਂਟਰੀ ਸਮਝ ਕੇ ਟਰੈਫਿਕ ਜਾਮ ਕਰ ਦਿੰਦੇ ਹਨ ਕਿਉਂਕਿ ਐਗਜਿਟ ਪੁਆਇੰਟ ਤੇ ਕਿਤੇ ਲਿਖਿਆ ਨਹੀਂ ਹੈ ਕਿ ਇਹ ਐਗਜਿਟ ਪੁਆਇੰਟ ਹੈ ਜਦਕਿ ਪਾਰਕਿੰਗ ਦਾ ਐਂਟਰੀ ਗੇਟ ਪਹਾੜੀ ਤੋ ਹੇਠਾਂ ਉਤਰ ਕੇ ਆਉਂਦਾ ਹੈ।

        ਗੁਰਦਵਾਰਾ ਸਾਹਿਬ ਵਿਖੇ ਪਹੁੰਚ ਕੇ ਸਭ ਤੋ ਪਹਿਲਾ ਅਸੀਂ ਗਰਮ ਪਾਣੀ ਦੇ ਸਰੋਵਰ ਵਿੱਚ ਇਸ਼ਨਾਨ ਕੀਤਾ ,ਸਰੋਵਰ ਦਾ ਪਾਣੀ ਬਹੁਤ ਜਿਆਦਾ ਗਰਮ ਸੀ । ਉਸ ਤੋ ਬਾਅਦ ਅਸੀਂ ਦਰਬਾਰ ਸਾਹਿਬ ਵਿਖੇ ਮੱਥਾ ਟੇਕਿਆ ਅਤੇ ਲੰਗਰ ਸ਼ਕਿਆ, ਲੱਗਰ ਸ਼ਕਣ ਉਪਰੰt ਸਮਾਂ ਲੰਗਰ ਵਿੱਚ ਸੇਵਾ ਕੀਤੀ ਅਤੇ ਫੇਰ ਅਸੀਂ ਗੁਰਦਵਾਰਾ ਸਾਹਿਬ ਨਾਲ ਸਥਿਤ ਸ਼ਿਵ ਮੰਦਿਰ ਜਿਥੇ ਗਰਮ ਪਾਣੀ ਦੇ ਕੁੰਡ ਹਨ ਉਥੇ ਗਏ।

ਸਾਡੇ ਇਸ ਸਫਰ ਦੀ ਵੀਡੀਓ ਦਾ ਲਿੰਕ:- 

https://youtu.be/y07Xi4xIGdQ