ਰਾਤ ਤਕਰੀਬਨ 9 ਕੁ ਵਜੇ ਅਸੀਂ ਮਨਾਲ਼ੀ ਪਹੁੰਚੇ , ਹੋਟਲ ਬੁਕ ਕਰਵਾਇਆ, ਸਮਾਨ ਹੋਟਲ ਵਿੱਚ ਰੱਖਿਆ ਅਤੇ ਮਾਲ ਰੋਡ ਬਾਜ਼ਾਰ ਦੇਖਣ ਲਈ ਤੁਰ ਪਏ, ਟੈਪਰੇਚਰ ਤਕਰੀਬਨ 20 ਕੁ ਡਿਗਰੀ ਸੀ ਬਹੁਤੇ ਲੋਕ ਮੋਟੀਆਂ ਕੋਟੀਆਂ , ਜੈਕਟਾਂ ਪਾਈ ਫਿਰ ਰਹੇ ਸਨ, ਸਾਨੂੰ ਹਲਕੀ ਹਲਕੀ ਠੰਡ ਤਾਂ ਲੱਗ ਰਹੀ ਸੀ ਪਰ ਏਨੀ ਨਹੀਂ ਜੇ ਜੈਕਟ ਪਾਉਣੀ ਪਵੇ।
ਬਜ਼ਾਰ ਪਹੁੰਚ ਕੇ ਸਭ ਤੋ ਪਹਿਲਾ ਕੰਮ ਅਸੀਂ ਕੋਈ ਵਧੀਆ ਰੈਸਟੋਰੈਂਟ ਲੱਭਣ ਦਾ ਕੀਤਾ ਕਿਉਂਕਿ ਅਸੀਂ ਰਾਤ ਦਾ ਖਾਣਾ ਖਾ ਕੇ ਹੀ ਬਾਕੀ ਬਜ਼ਾਰ ਘੁੰਮਣਾ ਚਾਹੁੰਦੇ ਸੀ। ਸਾਨੂ ਓਥੇ ਪਤਾ ਲੱਗਿਆ ਕਿ ਵੀਕਐਂਡ ਤੇ ਏਥੇ ਬਾਜ਼ਾਰ ਵਿੱਚ ਬਹੁਤ ਜਿਆਦਾ ਰਸ਼ ਹੋ ਜਾਂਦਾ ਅਤੇ ਰੈਸਟੋਰੈਂਟ ਦੇ ਅੰਦਰ ਜਾਣ ਲਈ ਲਾਈਨ ਵਿੱਚ ਲੱਗਣਾ ਪੈਂਦਾ ਅਤੇ ਕਈ ਵਾਰ ਤਾਂ 1 ਘੰਟੇ ਤੱਕ ਇੰਤਜਾਰ ਕਰਨਾ ਪੈਂਦਾ, ਖੈਰ ਅਸੀਂ ਇੱਕ ਰੈਸਟੋਰੈਂਟ ਦੇਖਿਆ ਅਤੇ ਰਾਤ ਦਾ ਖਾਣਾ ਖਾ ਕੇ ਮਾਲ ਰੋਡ ਬਾਜ਼ਾਰ ਦੇਖਣ ਲਈ ਅੱਗੇ ਤੁਰ ਪਏ।
ਬਾਜ਼ਾਰ ਵਿੱਚ ਜਿਆਦਾਤਰ ਸਮਾਨ ਸਰਦੀਆਂ ਦੇ ਕਪੜੇ ਹੀ ਸਨ, ਬੱਚਿਆਂ ਦੇ ਖਿਡੌਣੇ ਘਰੇਲੂ ਡੇਕੋਰਸ਼ਨ ਦੇ ਸਮਾਨ ਦੀਆਂ ਦੁਕਾਨ ਵੀ ਬਹੁਤ ਸਨ, ਜਿਵੇ ਕੇ ਕਿਸੇ ਵੀ ਟੂਰਿਸਟ ਪਲੇਸ ਦੇ ਬਜ਼ਾਰ ਵਿੱਚ ਅਸੀਂ ਦੇਖਦੇ ਹਾਂ ਕਿ ਸਮਾਨ ਆਮ ਬਜ਼ਾਰ ਨਾਲੋਂ ਮਹਿੰਗਾ ਹੁੰਦਾ ਹੈ ਏਥੇ ਵੀ ਮੈਨੂੰ ਸਮਾਨ ਆਮ ਨਾਲੋਂ ਮਹਿੰਗਾ ਪ੍ਰਤੀਤ ਹੋਇਆ
ਦੁਕਾਨਾਂ ਦੇ ਬਾਹਰ ਸੜਕ ਤੇ ਬਹੁਤ ਸਾਰੇ ਲੋਕ ਪਾਨ ਅਤੇ ਗੁਲਾਬ ਜਾਮੁਣ ਵੇਚਣ ਵਾਲੇ ਘੁੱਮ ਰਹੇ ਸਨ।
ਮਾਲ ਰੋਡ ਤੇ ਹੀ ਮਨਾਲ਼ੀ ਦਾ ਬੱਸ ਸਟੈਂਡ ਵੀ ਸਥਿਤ ਹੈ ਜਿਸਦੇ ਆਸ ਪਾਸ ਬਾਹਠ ਸਾਰੇ ਟੈਕਸੀ ਸਟੈਂਡ ਜਾ ਕਹਿ ਲਓ ਕੇ ਟਰੈਵਲ ਏਜੰਟ ਦੀਆਂ ਦੁਕਾਨਾਂ ਹਨ ਜੋ ਕੇ ਤੁਹਾਨੂੰ ਟੈਕਸੀ ਵਿੱਚ ਮਨਾਲ਼ੀ ਦੇ ਆਸ ਪਾਸ ਦੀਆਂ ਕੁਝ ਮਸ਼ਹੂਰ ਥਾਵਾਂ ਘੁਮਾਉਂਦੇ ਹਨ ਜਿਸਦਾ ਉਹ 2500 ਤੋ 4000 ਤੱਕ ਕਿਰਾਇਆ ਲੈਂਦੇ ਹਨ ਮਨਾਲ਼ੀ ਬੱਸ ਸਟੈਂਡ ਤੋ ਸਵੇਰੇ 7 ਵਜੇ ਇੱਕ ਸਰਕਾਰੀ ਬੱਸ ਵੀ ਚਲਦੀ ਹੈ ਜੋ ਸੀਸੁ, ਕਿਲੌਂਗ, ਜਿਸਪਾ ਅਤੇ ਬਾਰਾਲਚਾ ਪਾਸ ਵਰਗੀਆਂ ਥਾਵਾਂ ਤੁਹਾਨੂੰ 900 ਰੁਪਏ ਦੇ ਖਰਚੇ ਵਿੱਚ ਅਤੇ 1 ਦਿਨ ਵਿੱਚ ਘੁਮਾਉਂਦੇ ਹਨ।
No comments:
Post a Comment